భారత క్రికెటర్ సంజయ్ బంగర్ తో బాంగ్లాదేశ్ క్రికెట్ బోర్డు సంప్రదింపులు

బాంగ్లాదేశ్ టెస్ట్ క్రికెట్ జట్టు కన్సల్టెంట్‌గా చేరాలని బంగ్లాదేశ్ క్రికెట్ బోర్డు భారత మాజీ బ్యాటింగ్ కోచ్ సంజయ్ బంగర్‌ను సంప్రదించింది.

టెస్ట్ బ్యాటింగ్ కన్సల్టెంట్ పాత్ర కోసం బంగర్‌ను సంప్రదించినప్పటికీ అతని నుండి స్పష్టమైన స్పందన రాలేదని బిసిబి అధికారి తెలిపారు.

దక్షిణాఫ్రికా మాజీ అంతర్జాతీయ క్రికెట్ నీల్ మెకెంజీ ప్రస్తుతం బంగ్లాదేశ్ టీంతో కలిసి ట్వంటీ ట్వంటీ మరియు వన్ డే ఫార్మాట్లలో పనిచేస్తున్నాడు.

2014 నుండి 2019 వరకు సంజయ్ బంగార్ భారత జట్టుతో ఉన్నాడు. సెప్టెంబరులో హోమ్ సీజన్ ప్రారంభంలో విక్రమ్ రాథౌర్ అతని స్థానంలో భర్తీ అయ్యాడు. ప్రపంచ కప్ తరువాత జరిగిన వెస్టిండీస్ పర్యటన అతని చివరి నియామకం.