COVID-19 మహమ్మారిని ఎదుర్కోవడంలో ప్రధాన దశగా ప్రధాని నరేంద్ర మోడీ ఈరోజు అర్ధరాత్రి నుండి 21 రోజుల లాక్డౌన్ ప్రకటించారు. అన్నిఅత్యవసరమైన సేవలు కొనసాగుతాయి అని తెలిపారు.
"నా ప్రియమైన దేశవాసులారా, కరోనావైరస్ గురించి మాట్లాడటానికి నేను మీ మధ్యకు మరోసారి వచ్చాను." అంటూ తన ప్రసంగాన్ని మొదలు పెట్టారు. కరోనావైరస్ కి సంబంధించి ప్రపంచ పరిస్థితి ఏ విదంగా ఉందో మీరు చూస్తున్నారు. అత్యంత సంపన్న దేశాలు కూడా ఈ మహమ్మారి వలన నిస్సహాయంగా మారాయి , వారికి వనరులు లేవని లేదా వారు ప్రయత్నించడం లేదని కాదు, కానీ ఈ వైరస్ ను నిర్ములించడానికి ఈ ప్రయత్నాలు సరిపోవు. గత రెండు నెలల్లో ఈ దేశాల అనుభవం, మరియు నిపుణులు కూడా చెబుతున్నది ఏమిటంటే, దానిని సమర్థవంతంగా ఎదుర్కోవటానికి ఒకే ఒక మార్గం ఉంది, ఇది సామాజిక దూరం. కరోనావైరస్ ను ఆపడానికి, మనం దాని వ్యాప్తి యొక్క చక్రాన్నివిచ్ఛిన్నం చేయాలి." అని ప్రధాని మోడి తెలిపారు.
కొంతమంది సామాజిక దూరం కరోనావైరస్ సోకిన వారికి మాత్రమే అని తప్పుగా ఊహించుకుంటున్నారు, కానీ అది నిజం కాదు. ఇది ప్రతిఒక్కరికీ PM కోసం కూడా. కొంతమంది బాధ్యతారాహిత్యం మీ జీవితాన్ని, మీ పిల్లల జీవితాన్ని దెబ్బతీస్తుంది. ఇది కొనసాగితే మీరు మరియు భారతదేశం భారీగా నష్టపోతుంది.
గత రెండు రోజులలో అనేక రాష్ట్రాలు లాక్డౌన్ అయ్యాయి. అర్ధరాత్రి 12 నుండి, దేశం మొత్తం పూర్తి లాక్డౌన్ పరిధిలోకి వస్తుంది. దేశంలోని ప్రతి పౌరుడిని కాపాడటానికి ఇది జరుగుతోంది. ఇది కర్ఫ్యూ, జనతా కర్ఫ్యూ కంటే కఠినమైనది, ప్రస్తుతానికి లాక్డౌన్ మూడు వారాలు అంటే 21 రోజులు ఉంటుంది అని ప్రధాని నరేంద్రమోడి తన ప్రసంగంలో చెప్పారు.
0 Comments