సీసీఎంబీ లో కరోనావైరస్ పర్రేక్షలకు అనుమతి ఇవ్వాలని కేంద్రాన్ని కోరతాం : సీఎం కేసీర్

తెలంగాణ లోకూడా కరోనా వైరస్ నెమ్మదిగా వ్యాప్తి చెందుతుండంతో రాష్ట్ర ముఖ్యమంత్రి కే చంద్రశేఖర్ రావు గారు ప్రెస్ మీట్ పెట్టి ప్రజలకు జరుగుతున్న పరిణామాల గురుంచి వివరించారు.  హైదరాబాద్‌లోని సెల్యులార్ అండ్ మాలిక్యులర్ బయాలజీ (సిసిఎంబి) లో అనుమానాస్పద కరోనావైరస్ కేసులను పరీక్షించడానికి కూడా అనుమతించాలని తెలంగాణ ప్రభుత్వం కేంద్రాన్ని కోరనుంది అని తెలిపారు. 

ప్రెస్ కాన్ఫరెన్స్ లో మాట్లడుతూ అన్ని పరీక్షా కేంద్రాల్లో శానిటైజర్లు ఉంటాయిని, ప్రజలలో స్వీయ క్రమశిక్షణ మరియు స్వీయ పరిశుభ్రతతో ఉండాలని తెలిపారు. అన్ని అంతర్జాతీయ విమానాలను నిషేధించాలని మేము డిమాండ్ చేసామని చెప్పారు. 

ఢిల్లీ నుండి తెలంగాణలోని రామగుండం కు వెళ్లిన ఏడుగురు ఇండోనేషియా పౌరులు కరోనావైరస్ వ్యాధికి పాజిటివ్    గా తేలిన ఒక రోజు తర్వాత కెసిఆర్ ఈ సమావేశం నిర్వహించారు. ఇప్పుడు తెలంగాణ రాష్ట్రంలో పాజిటివ్ కరోనావైరస్ (COVID-19) కేసుల సంఖ్య 14 కి పెరిగింది. 

ఇంతకముందు యునైటెడ్ కింగ్‌డమ్‌లోని స్కాట్లాండ్‌కు వెళ్లిన మరొక స్థానిక వ్యక్తికి సంబంధించిన కేసు నమోదు అయ్యింది.  22 ఏళ్ల యువకుడు హైదరాబాద్ లోని మేడ్చల్ ప్రాంతం నివాసి. అతను మార్చి 16 న హైదరాబాద్ లోని రాజీవ్ గాంధీ అంతర్జాతీయ విమానాశ్రయానికి (ఆర్జీఐఏ) చేరుకున్నారు. దగ్గు మరియు జ్వరంతో మరుసటి రోజు అతను ప్రభుత్వ గాంధీ ఆసుపత్రికి వచ్చాడు. పరీక్షల తరువాత, అతను కరోనావైరస్ బారిన పడినట్లు కనుగొనబడింది.